Chapter 210 - Willing to be my girlfriend (2/2)

”Patayin mo na 'yung ilaw please” sabi ng binata kay Donna matapos ang ilang saglit. Nakangisi pa ito sa kanya. Saka niya naramdaman na pinisil nito ang binti niya.

Tinapik niya ang braso nito ”Matty, kung may pinaplano ka, 'wag mo nang ituloy.”

”Paano mo nalaman na may pina-plano ako? Donna My love, Mahaba pa ang gabi kaya kailangan natin na makarami.”

”No, I want to sleep. Or else, get out”

”Hah? Ang sungit na naman. Sige na nga, dahil first day ng relasyon natin, pagbibigyan kita. Kahit hawak nalang sa b.o.o.b.s, satisfied na 'ko” sabi nito

Donna ”...”

Inikutan niya ito ng mata. ”Ewan ko sa 'yo! Basta kapag may ginawa ka sa 'kin na kabastusan, palalabasin kita agad.”

Pagkasabi ay pinatay ni Donna ang ilaw at hinayaan si Mat-mat na yakapin siya sa magdamag.

=====

(Kasalukuyan)

Napapangiti si Mat-mat nang maalala ang nakalipas habang nagmamaneho. Plano niyang sunduin ang nobya niya sa opisina nito.

Dumaan pa muna siya ng flower shop para bumili ng kumpol ng bulaklak.

Sabi nga nila kailangan daanin sa santong paspasan kung hindi madala sa santong dasalan. Pero ang plano niya ay daanin sa pa-sweet si Donna. Hindi niya alam kung may lahing amasona si Donna noong past life nito at siya ang alipin nito na nakakulong sa kulungan na gawa sa kahoy.

Pasipol-sipol pa siya hanggang sa makarating sa building ng opisina nito.

Kumunot ang noo niya nang makita ang girlfriend niya na kausap si Adan na hindi niya akalain na buhay pa pala sa entrance ng building.

Bibihira na mag-init ang ulo niya pero nag-init talaga ang ulo niya ng oras na iyon, lalo at nakita niyang hinawakan nito sa braso ang girlfriend niya ng mahigpit at inilapit ang katawan sa sarili.

Halata kay Donna na nagpipigil ito ng galit.

”Donna!” sabay na napalingon sa kanya ang dalawa. Nang makalapit, hinila niya si Donna papalapit sa kanya na nakasalubong ang kilay at hinarap ang lalaki.

Umismid ang lalaki kay Mat-mat. ”hmp! Akala mo kung sinong tagapaglistas. Gusto ko lang sabihin sa iyo na hindi na malinis 'yang girlfriend m--!”

Bago pa nito matapos ang sasabihin ay isang malakas na suntok ang pinatikim ni Mat-mat kay Adan. Tumilapon ito sa sahig at nakakuha naman sila ng atensyon sa iba pang napapadaan at sa guwardiya.

”You don't have a right na sabihin na hindi malinis ang girlfriend ko, dahil sa inyong dalawa, ikaw ang mukhang hindi naliligo!”

Ngumisi lang si Adan habang minamasahe ang pisngi. Hinawakan niya sa kamay ang nobya niya at saka sinakay sa sasakyan.