Chapter 33 - They thought Hans were simple (2/2)
”C-CEO Han…” nangangatog na tawag ng isa sa pangalan ni Cloud.
Naka-ismid lang si Cloud. ”Gusto kong malaman kung ano ang ginawa niyo sa mga anak ko.” sabi nito saka sumipol.
Nagkatinginan lang ang anim. Ilang oras lang ang nakalipas, hawak nila ang anak nito. They thought they rule the world.
Hindi pa lumilipas ang magdamag, sila na ngayon ang parang mga mababait na tuta na nasa harapan nito. Napakabilis ng ikot ng mundo sa kanila. Naalala pa nila si Prin na walang kahirap-hirap na sinalag ang bala gamit lamang ang isang piraso ng tubo.
”M-Master, CEO Han…” Hindi nito alam kung ano ang itatawag sa Daddy ni Cally.
Nanlaki ang mga mata nila nang lumabas mula sa kung saan ang isang leopard na matalim ang tingin.
Nagyakapan ang anim na kidnappers.
Lumapit ang mabangis na hayop sa tabi ni Master Cloud at hinimas nito ang ulo ng leopard.
”Ma..ma..Master… Nagkamali po kami, napag-utusan la..la..lang kami ni Labo (ang lider) na du..du..dukutin ang kambal” nangangatog na sabi ng kalbo dahil diretso sa paningin niya ang tingin ng leopard na nasa tabi ni Master Cloud.
Katulad ng amo nito ang tingin sa kanila. Kaya nakadagdag sa kaba nilang anim ang kung ano man ang kasalanan nila.
Gusto nilang murahin ang lider at isumpa kahit na namatay na ito sa pagsabog. Hindi nila akalain na hindi simpleng tao ang nagawan nila ng hindi maganda.
Naalala nila ang sinabi ng batang lalaki kay Labo ng sinabi nitong papatayin silang magkapatid. 'it will never happen' ang sagot nito.
”Dumating sa akin ang balita na isa sa inyo ang sumampal kay Crayola.” matalim ang tingin na ibinigay nito at pinag-aaralan mabuti ang reaksyon nilang anim.
”Si.. Si.. Si Labo po iyon master!”
”Kung ganuon, sino naman ang sumabunot kay Crayola?”
Tumalim ang tingin ng leopard at agad na tumalon at humarang sa daraanan ng isa na may planong tumakas -- ang sumabunot kay Crayola. Umangil ito.
”Ahhhhh!!! Master!!!! Patawarin niyo na po ako.”
”Bantay!” tawag ni Master Cloud sa leopard. Agad itong lumapit pabalik sa pwesto ni Cloud. Inabutan ito ng isang hilaw na karne.
”Ma… Master.. Master, susuko na po kami. Magpapakulong na kami kahit manatili pa kami sa kulungan habang buhay… Paki-usap lang po… patawarin niyo na kami!!!!” hiling ng kalbo kay Master Cloud. Halos maihi na siya sa pantalon sa sobrang takot.
Huminga ng malalim si Cloud. ”Mabuti at sa inyo na nanggaling iyan. Palalabasin ko na kayo at hahayaan ko kayong sumuko sa kapulisan. Kapag hindi kayo tumupad, alam niyo na ang mangyayari…” matalim ang tingin ng leopard sa kanilang anim habang sinasabi nito ang mga salita.
”Walang sino man ang maaaring maglabas ng kung ano man ang nangyari dito, maliwanag?!”
”Yes Master!” Sabay-sabay na sagot ng mga ito.
Umangil pa ang leopard sa huling pagkakataon at saka nagsipagtakbuhan ang anim na kidnappers palabas ng Matsui Villa.