Chapter 421 - Penelope and Hanz: Messed up (1/2)

Lumipas na ang bente kwatro oras at nanatiling naghihintay si Baba kay Smiley. Hindi niya nga magawang umalis ng suite at lahat ng kailangan niya ay tinatawag niya sa hotel para ihatid doon sa kwarto.

Nagsipag-uwian na nga ang grupo niya sa kung saan saang bansa pero mas pinili niya na manatili doon. She has to wait.

Nag-aalala siya na baka biglang dumating ang lalaki at hindi siya nito matagpuan doon kung sakali na lumabas siya.

She was anxious. Naisip niya na baka may nangyari sa lalaki habang papunta doon sa Hong Kong. Wala naman siyang natatanggap na mensahe kay Smiley kung male-late ba ito o kung ano.

48 hours more had passed. Inayos niya na ang lahat ng gamit para umuwi na sa Pilipinas.

Nakakatawa. Para siyang tanga. Pinaglalaruan ba siya nito?

Nakakatawa na sa loob ng halos anim na taon pinadalhan siya nito ng kung anu-ano.

Pero mas nakakatawa na may namuong mga luha sa mga mata niya dahil sa isang tao na hindi naman niya personal na kilala. Gusto niyang isipin na maghintay pa pero tatlong araw na siya nito na pinaghintay.

Ang pangako nito ay kakatok ito sa suite niya. Knowing his ability, sigurado na alam nito ang suite number niya at hindi ito naligaw.

Kinuha ni Baba ang cellphone at nagpadala ng mensahe dito.

[Kung nais mong paglaruan ang damdamin ko, nanalo ka na. Do not disturb me in the future -Penelope]

Matapos niyang ipadala rito ang mensahe, isang news ang pumukaw sa kanya sa internet. Isang probinsiya sa Sweden ang inatake ng mga terorista. Sunog ang kabuuan ng bansa na halos walang itinira.

Itinaas ang alerto sa bansang iyon at iilang bansa na rin ang nagbigay ng tulong. Ito ang hot topic ngayon sa internet at sa world news.

Binalik niya na lang ang cellphone sa loob ng sling bag at hinila ang bagahe niya papalabas ng hotel suite na iyon.

====

Tatlong linggo bago natapos ni Prince Hanz ang mga kailangan niyang gawin sa bansa niya.

Ilang miyembro ng terorista ang hinanap nila sa mga kalapit na probinsya ng Herdalia. At inabot ng tatlong linggo bago naubos ang mga sugo ni Captain H para gumawa ng krimen.

May tinatago pang mga impormasyon ang grupo nito kaya hindi sila makagawa ng aksyon. Malaki ang banta ng lalaki sa kanila at hindi sila pwedeng magpadalos-dalos sa pagsugod dito.

Hind nila alam kung ano pang mga bansa ang tumutulong sa Country Z.