Chapter 380 - Cassandra and Lorenz: Wolfs den (2) (1/2)

Tinutok ni Lorenz ang shotgun sa dalawang lobo.

Para bang sabik na sabik sa pagkain ang dalawa at naglalaway pa habang umaangil.

*bang*

Natamaan niya sa leeg ang isa. The wolf growls.

Umungol ito at agad na dumaloy ang kakaunting dugo mula sa leeg.

Parang nagalit naman ang kasama nito na isa pang lobo.

*grrrr* umaangil ang pangil nito at anumang oras ay susugod sa kanya. Ilang saglit nga lang ay tumakbo ito patungo sa kanya.

Ginalaw muli ni Lorenz ang gatilyo para patamaan din ito sa leeg ngunit walang lumabas na bala.

”Putang--!” hindi maiwasan na mapamura siya.

Tinalunan siya ng lobo at wala siyang nagawa kung hindi ang mabilis na ihampas ang katawan ng shotgun niya dito.

Mabuti na lang at mabilis ang survival instinct ni Lorenz.

Tumilapon ang lobo sa isang puno malapit din sa kasama nito na nasugatan.

Sinuri ni Lorenz ang shotgun at alam niya na tig-anim ang bala ng bawat shotgun bago magsimula ang laban. Hindi niya alam kung paanong nangyari na iisa na lang ang bala ng hawak niyang armas.

Posible na may sumabotahe sa kanya habang inaayos nila ang sapatos ni Domino.

Mabilis na nakabawi ang dalawang lobo at nanlilisik ang mata nito na nakatingin sa kanya.

Umangil ang isa at akmang lalapit muli sa kanya. Tumutulo pa sa pangil nito ang laway na para bang laway na laway sa kanya.

Katulad ng lobo, matalim din ang mga mata ni Lorenz at wala man lang maramdaman na takot.

Kinuha niya ang balisong niya na nasa isang bulsa.

Tumalon ang lobo at pinakagat niya dito ang katawan ng shotgun saka ito pinaibabawan. Ngunit patungo din sa kanya ang isa pa.

Akmang sasakmalin siya nito sa leeg nang talunan ni Domino. Paulit ulit na tinalunan ito ng kabayo hanggang sa madurog ang katawan nito.

Kasabay nito ang pagsaksak niya sa mata ng lobo na pinipigilan. At parang nababaliw na ginilitan ito sa leeg.

Nanggigigil si Lorenz na ginilitan din ang lobo na patuloy na na tinatalunan ni Domino hanggang sa sabay na nawalan ang mga ito ng buhay.

”Thanks Buddy!” tinapik-tapik niya ang itim na kabayo.

Kinuha niya ang makapal na lubid na nakasabit sa gilid ng kabayo at inayos ang pagkakatali ng dalawang lobo.

Napaismid na lang siya kay Prince Philip. You wanted a wolf? I will give you two wolves!

=====

Sa lugar naman ni Cassandra.

Isa-isang nagsipagdatingan ang mga kalahok.