Chapter 361 - Joining a piano competition (1/2)

Iiwan nila sa vet clinic si Billionaire. Kailangan kasing gamutin ang bahagyang nabali na buto nito sa binti. Tulad din ng sinabi ni Khalid, may internal bleeding ang aso at kailangan na bantayan ng doktor.

Medyo natatawa pa ang vet nang malaman na 'Billionaire' ang pangalan ng askal ng pamilya.

Thirty thousand ang unang singil sa kanila at agad na inabot ni Khalid ang nakuha nitong pera mula kay Boy Kot sa doktor. Ang susunod na bill sa kanila ay depende sa kung ano pa ang maging resulta ng paggaling ni Billionaire. At sinabi rin nito na tatlong libo ang pagstay ng aso sa vet clinic.

”Doctor, I will pay any amount just do your everything to save him.” sabi nito na akala mo ay matured ang nagsabi na ikinagulat ng doktor.

”Don't worry, your parents will sure pay.” hinaplos pa nito sa buhok si Khalid.

”Nope, I was the one who will pay. Send the bill to my home in White Castle. The address was written in the form.”

Vet ”...”

Si Prin at Cally ay kalma lang at hindi na nabigla pa sa sinabi ng anak nila.

Sa isip ni Prin, nawala na siya ng tatlong taon pero mas malaki pa ang kinita ng anak niya sa tatlong buwan kaysa sa mga sinuweldo niya sa Romantik Grand Hotel.

Nakakunot ang noo ng doktor pero tumango na lang dahil ayaw nito na magpahiya ng bata.

May naiisip na nga kung tutuusin si Khalid kung paano magkakaroon ng pera. Matapos niyang kumita ng malaking pera sa loob lang ng ilang buwan, ngayon pa ba siya hihingi ng pera sa magulang niya?

May ideya na nga siya kung saan magkakaroon ng pera. Magsisimula iyon sa araw na iyon. Sunod ay sasali siya sa piano competition!

Ayon kay Teacher Bei, one hundred thousand ang kikitain niya sa competition ng Junior 1, kung saan sumpu pababa ang edad na pwedeng sumali.

Unang beses niyang mag-eeffort, nang hindi gagamit ng talent niya sa pakikipag-negosasyon. Ang gagamitin niya ay ang talento niya mismo para kay Billionaire.

Sa isang restaurant sila nagpunta para mananghalian na sobrang late na dahil ang daming nangyari sa kanila sa araw na iyon. Sinabi kaagad ni Khalid ang nais niya sa magulang.

”Mommy, Daddy, I want to compete in a piano competition.” sabi ni Khalid habang hinihintay ang pagkain.

”Wow talaga, Baby!” natuwa si Prin. Gusto niyang makita ang anak na makipag-compete sa piano.