Chapter 303 - She took a vacation instead... (1/2)

Hindi tulad ng inaasahan ni Yuna, iba ang rason kung bakit siya pinuntahan ni Apolo sa opisina niya.

”I heard you spent a night with someone”

Napakamot sa ulo si Yuna. Alam niya na maraming mata at staff sa paligid ng hotel na maaari siyang pagtsismisan.

Nagulat lang siya na mas nauna nitong pag-usapan ang tungol sa bisita niya nang nagdaang gabi kumpara sa issue sa Paris.

”Dad…” hindi niya alam kung ano ang isasagot.

Tinatapik-tapik nito ang mga daliri sa mesa.

”hindi kita susuwayin kung may nagugustuhan kang lalaki. I just hope na hindi ito makasira sa performance mo… Mari is now pregnant at ayoko naman na sumunod ka agad sa pagbubuntis niya.”

Alam ni Yuna na nag-aalala lang ito sa kahihinatnan nilang dalawa ni Mari at ng hotel.

”Wala kang dapat ipag-alala sa akin. I don't have a secret lover or a boytoy or a boyfriend or something. No plans of getting pregnant sa kung kani-kanino. Nagkataon lang na malakas ang ulan nang nagdaang gabi and my friends need shelter.”

Pumasok tuloy sa isip niya muli ang mag-ama. Hindi naman na kailangan pang banggitin kay Apolo na nagpunta siya sa tahanan ng mga ito at ginalit niya ng todo ang Master ng Dark Lords.

Ang hindi alam ni Yuna, pina-delete ni Cally ang lahat ng traces na nagpunta ang mag-tatay sa hotel na iyon kaya wala ring makuha na impormasyon si Apolo. Their safety is important. At ayaw nito na mapahamak ang isang inosenteng si Yuna nang dahil lang sa kagustuhan ni Khalid na tumungo sa hotel.

Susubukan naman sana ni Apolo na alamin sa bibig mismo ni Yuna kung sino ang bisita nito. Pero mukhang hindi naman na kailangan.

Gayunpaman, hindi ibig sabihin na kampante ang kalooban niya sa kung sino man ang kaibigan na sinasabi ni Yuna.

”About the issue in Paris...” pag-iiba ni Apolo sa usapan.

”Rest assured that I am doing something on that issue”

Tumango lang ito saka siya tinitigan sa mata ng ilang saglit.

”*cough* By the way, it's been so long at gusto ko sana mag-unwind o magpahinga muna sa trabaho. I'm going to Phuket for a couple of days” paalam niya dito.

Saglit na natahimik si Apolo pero sinabi rin naman na ayos lang saka ito nagpaalam.

=====

Nang makarating kay Mari ang balita na magbabakasyon si Yuna, mas lalong sumilay ang ngiti sa labi nito.

Sino ba naman kasi ang mas pipiliin na mag-unwind at magbakasyon sa isang isla at magsuot ng swimsuit sa panahon na iyon na may kinakaharap na problema ang hotel nila?

Kinaumagahan, umalis din naman ang grupo ni Yuna patungong Thailand.