Chapter 187 - Wedding Night (1) (1/2)

[Feibulous : spg content]

Hindi kinakaya ni Prin ang mga nangyayari kaya nagpahangin na muna siya sa deck kasama si Cassandra.

Nahihirapan siyang harapin muli si Cally. Madaming pumapasok sa isip niya. Sa loob ng maraming taon, did he miss her?

”Hhaaaaaahhhh!!!!” sigaw niya sa dagat para lang mailabas ang sama ng loob.

Bakas ang kalungkutan sa mukha ni Prin. She wants to go back but she can't. Bahagyang kumirot ang batok niya kung saan naroon ang maliit na capsule bomb kaya hinipo niya iyon. Nakakapa niya pa ng bahagya ang capsule.

”Mas mabuti pang magsimula na tayong mag-ikot.” payo ni Cassandra.

Para maiwaksi ang sakit na nararamdaman, tumango siya at pinili na sumunod kay Cassandra na bumalik sa hall.

Humiwalay sa kanya ang kaibigan at nagsimula ng mag-ikot sa mga kwarto doon.

Sa hall, 'pag pasok ni Prin, kumuha agad siya ng dalawang shots ng alak sa waiter na nadaanan niya sa bungad. Saka nilagok ang isang shot.

Nakita niya si Captain Yeo sa gilid na may kausap na lalaki. Hindi niya kilala. Parehas na hindi nakamaskara ang mga ito. Nilingon nito ang gawi niya.

Sinalubong niya ang tingin nito saka ito inismiran. Hindi niya alam kung ano ang relasyon nito sa bisita ni Kai o Bella. Pero nasusuklam talaga siya dito. Akalain mo na may kakilala pala ito doon pero wala itong pakialam na utusan sila na maghanap ng importanteng gamit sa cruise na iyon.

Kung wala lang siguro siyang maskara, kita nito kung gaano katalim ang tingin niya dito. Nag-iwas ito ng tingin saka niya diretsong ininom ang alak na hawak at pabagsak na nilapag ang shot glass sa mesa.

Nakita niya si Cally sa isang table na tahimik at mag-isang umiinom. Lalapitan niya ba ito? Sasabihin na 'Cally, ako ito si Prin'. Pagkatapos ay dumanak ng dugo sa kasal na yun ni Bella at Kai? Ngumiti siya ng mapait at lihim lang na pinagmasdan ang asawa niya kahit sa malayo.

Sa loob ng mahigit isang dekada, nagagawa pa rin nito na patibukin ang puso niya. May presensya pa rin si Cally na hindi niya maintindihan na kayang pabagsakin ang mundo kung gugustuhin lang nito.  Ilang saglit pa, unti-unting nakaramdam ng hilo si Prin sa ilang shots ng alak na nainom niya.

Para mahimasmasan, lumabas siya ng ballroom hall saka nagsimulang maghanap ng kwarto.

Nakasalubong niya si Bella sa daan at napangiti siya. Dahil sa nainom bahagya siyang nawala sa katinuan at namamaos na ang boses niya.

”Congratulations!” nakangiting sabi niya dito.

”Oh thank you! Are you one of the Dark Guards?” tanong nito.

”Yes! I'm GW8” nakangiting sabi niya.