Volume Iii Part 8 (1/2)
MAGGIE LAUDER.[21]
The cantie Spring scarce rear'd her head, And Winter yet did blaud her, When the Ranter came to Anster fair, And speir'd for Maggie Lauder; A snug wee house in the East Green,[22]
Its shelter kindly lent her; Wi' canty ingle, clean hearth-stane, Meg welcomed Rob the Ranter!
Then Rob made bonnie Meg his bride, And to the kirk they ranted; He play'd the auld ”East Nook o' Fife;”
And merry Maggie vaunted, That Hab himsel' ne'er play'd a spring, Nor blew sae weel his chanter, For he made Anster town to ring-- And wha 's like Rob the Ranter?
For a' the talk and loud reports, That ever gaed against her, Meg proves a true and carefu' wife, As ever was in Anster; And since the marriage-knot was tied, Rob swears he coudna want her; For he loves Maggie as his life, And Meg loves Rob the Ranter.
[21] These stanzas are an appropriate addition to the well-known song of ”Maggie Lauder,” composed by Francis Semple, about 1660.
[22] The _East Green_ of Anstruther is now a low street connecting the town with the adjoining village of Cellard.y.k.e. The site of Maggie Lauder's house,--which is said to have been a cot of one storey,--is pointed out in a small garden opposite a tannery, and on the north side of the street. Maggie Lauder is the heroine of Dr Tennant's poem of ”Anster Fair.”
CHARLIE IS MY DARLING.
O Charlie is my darling, My darling, my darling; O Charlie is my darling, The young Chevalier!
When first his standard caught the eye, His pibroch met the ear, Our hearts were light, our hopes were high For the young Chevalier.
O Charlie is my darling, &c.
The plaided chiefs cam frae afar, Nae doubts their bosoms steir; They n.o.bly drew the sword for war And the young Chevalier!
O Charlie is my darling, &c.
But he wha trusts to fortune's smile Has meikle cause to fear; She blinket blithe but to beguile The young Chevalier!
O Charlie is my darling, &c.
O dark Culloden--fatal field!
Fell source o' mony a tear; There Albyn tint her sword and s.h.i.+eld, And the young Chevalier!
O Charlie is my darling, &c.
Now Scotland's ”flowers are wede away;”
Her forest trees are sere; Her Royal Oak is gane for aye, The young Chevalier!
O Charlie is my darling, My darling, my darling; O Charlie is my darling, The young Chevalier.
THE BLACK-E'ED La.s.sIE.[23]
AIR--_”My only Jo and Dearie O!”_
Wi' heart sincere I love thee, Bell, But dinna ye be saucy, O!