Part 57 (1/2)

'I tellt him 'at hoo I didna think ye wad hae ta'en sae muckle fash gin ye hadna had some houps o' the kin' aboot him.'

'You said well. Tell him from me that I expect him to be a gentleman.

And by the way, Robert, do try a little, as I think I said to you once before, to speak English. I don't mean that you should give up Scotch, you know.'

'Weel, sir, I hae been tryin'; but what am I to do whan ye speyk to me as gin ye war my ain father? I canna min' upo' a word o' English whan ye do that.'

Dr. Anderson laughed, but his eyes glittered.

Robert found Shargar busy over his Latin version. With a 'Weel, Shargar,' he took his books and sat down. A few moments after, Shargar lifted his head, stared a while at Robert, and then said,

'Duv you railly think it, Robert?'

'Think what? What are ye haverin' at, ye gowk?'

'Duv ye think 'at I ever could grow intil a gentleman?'

'Dr. Anderson says he expecs 't o' ye.'

'Eh, man!'

A long pause followed, and Shargar spoke again.

'Hoo am I to begin, Robert?'

'Begin what?'

'To be a gentleman.'

Robert scratched his head, like Brutus, and at length became oracular.

'Speyk the truth,' he said.

'I'll do that. But what aboot--my father?'

'Naebody 'ill cast up yer father to ye. Ye need hae nae fear o' that.'

'My mither, than?' suggested Shargar, with hesitation.

'Ye maun haud yer face to the fac'.'

'Ay, ay. But gin they said onything, ye ken--aboot her.'

'Gin ony man-body says a word agen yer mither, ye maun jist knock him doon upo' the spot.'

'But I michtna be able.'

'Ye could try, ony gait.'

'He micht knock me down, ye ken.'

'Weel, gae doon than.'

'Ay.'